(જી.એન.એસ)મુંબઈ,તા.૧૩
તામિલ ફિલ્મ ‘સૂરારાઈ પોટ્રુ’ની હિન્દી રીમેક બનશે કે જેનું એમેઝોન પ્રાઇમ પર વર્લ્ડ પ્રીમિયર થયું હતું. તામિલ ફિલ્મમાં લીડ રોલ પ્લે કરનારા એક્ટર સુરિયાએ ટિ્વટર પર આ જાહેરાત કરી હતી. હિન્દી વર્ઝનમાં સુરિયા લીડ રોલમાં નહીં હોય. જોકે, તેનું પ્રોડક્શન બેનર ૨ડી એન્ટરટેઇનમેન્ટ પ્રોડક્શન સાઇડમાં જોડાયેલું રહેશે.આ ફિલ્મને ૨ડી એન્ટરટેઇનમેન્ટની સાથે અબડન્શિયા એન્ટરટેઇનમેન્ટ દ્વારા પ્રોડ્યૂસ કરવામાં આવશે. તામિલ વર્ઝનને ડિરેક્ટ કરનારા સુધા કોંગરા હિન્દી વર્ઝનને પણ ડિરેક્ટ કરશે. ‘સૂરારાઈ પોટ્રુ’ બજેટ એરલાઇન એર ડેક્કનના સ્થાપક કેપ્ટન જીઆર ગોપીનાથના જીવન પર આધારિત છે. આ ફિલ્મને થીએટર્સમાં રિલીઝ કરવાની હતી. જોકે, આખરે મહામારીના કારણે એના મેકર્સને એને સીધા ઓટીટી પર રિલીઝ કરવાની ફરજ પડી હતી.આ ફિલ્મમાં અપર્ણા બલમુરલી, પરેશ રાવલ તેમજ દિગ્ગજ તેલુગુ એક્ટર મોહન બાબુ પણ મહત્વના રોલ્સમાં જોવા મળ્યા હતાહિન્દી રીમેક માટે અજય દેવગન, જોન એબ્રાહમ, અક્ષય કુમાર અને રિતિક રોશનનાં નામ ચર્ચાઈ રહ્યા છે. લીડ રોલ માટે આ એક્ટર્સ મેકર્સની ટોપ ચોઇસીસ છે. હવે જોવાનું એ રહેશે કે, આ એક્ટર્સમાંથી કયા એક્ટરની પસંદગી કરવામાં આવશે.
