(જી.એન.એસ)કેન્સિંગ્ટન અંડાકાર,તા.૨૩
વેસ્ટ ઈન્ડીઝ અને ઓસ્ટ્રેલિયા વચ્ચે બીજી વન-ડે મેચ કોરોના વાયરસનો કેસ મળ્યા બાદ રદ્દ કરવી પડી છે. બીજી વન-ડે મેચમાં ટોસ થાય બાદ કોરોનાનો કેસ મળ્યો હતો. કોરોનાનો કેસ આવતા જ તો બંને ટીમોના વિભાગમાં અફરાતફરી મચી જવા પામી હતી. પહેલો બોલ ફેકવાની થોડી મિનિટો પેલા મેચને રદ્દ કરવાની જાહેરાત કરવામાં આવી હતી. વેસ્ટ ઈન્ડીઝ ક્રિકેટ બોર્ડે ટ્વીટર પર નિવેદન જાહેર કરતા કહ્યું, વેસ્ટ ઈન્ડીઝ અને ઓસ્ટ્રેલિયા વચ્ચેની બીજી વન-ડે મેચ રદ્દ કરવામાં આવી છે કેમ કે વેસ્ટ ઈન્ડીઝ ક્રિકેટ ટીમના એક સભ્યનો કોરોના વાયરસનો રિપોર્ટ પોઝિટિવ આવ્યો છે. કોરોના વાયરસનો રિપોર્ટ ટોસ બાદ આવ્યો હતો. કોરોના પ્રોટોકૉલ્સને ધ્યાનમાં રાખતા તેના પર નિર્ણય લેવામાં આવ્યો હતો. વેસ્ટ ઈન્ડીઝ અને ઓસ્ટ્રેલિયા વચ્ચે બીજી વન-ડે મેચ રદ્દ થયા બાદ ન માત્ર સીરિઝ પરંતુ બાકી ઇન્ટરનેશનલ મેચો પર પણ સંકટના વાદળો મંડરાઈ રહ્યા છે. હવે ઓસ્ટ્રેલિયાના બાંગ્લાદેશના પ્રવાસ પર પણ સવાલ ઉઠવા લાગ્યા છે. આ પ્રવાસ ગુરુવારે કન્ફર્મ થયો હતો. ઓસ્ટ્રેલિયન ટીમે શનિવારે છેલ્લી વન-ડે મેચ રમ્યા બાદ બાંગ્લાદેશ જવા રવાના થવાનું હતું. વેસ્ટ ઈન્ડીઝ ક્રિકેટ ટીમનો જે સભ્ય કોરોના વયરસની ઝપેટમાં આવ્યો છે તેના નામની બાબતે કોઈ જાણકારી શેર કરવામાં આવી નથી. આ સમાચાર ન માત્ર સીરિઝ માટે પરંતુ ઓસ્ટ્રેલિયન ફાસ્ટ બોલર મેરિડિથ માટે પણ ઝટકો છે, જે વન-ડે ક્રિકેટમાં ડેબ્યૂ કરવા માટે તૈયાર હતો. થોડી મિનિટ પહેલા જ કેપ્ટન આરોન ફિન્ચે તેને તેની ડેબ્યૂ ઓડીઆઈ કેપ આપી હતી. પહેલી વન-ડે મેચમાં ઓસ્ટ્રેલિયાએ વેસ્ટ ઈન્ડીઝની ટીમને હરાવી હતી. ત્યારબાદ ઓસ્ટ્રેલિયન ટીમ સીરિઝમાં ૧-૦થી આગળ હતી. હાલમાં ઓસ્ટ્રેલિયા અને વેસ્ટ ઈન્ડિઝ બંને જ ટીમોને આઇસોલેશનમાં મોકલી આપવામાં આવી છે.
