શહેરના સુભાષનગર એરપોર્ટ રોડ પર આવેલ નેચરલપાર્કના બંધ મકાનને તસ્કરોને નિશાન બનાવી તાળા-નકુચા તોડી અંદર પ્રવેશ તિજોરીમાંથી રોકડ અને દાગીનાની ચોરી કરી ગયાની ઘોઘારોડ પોલીસમાં ફરિયાદ નોંધાઈ છે.
પ્રાપ્ત વિગત મુજબ, શહેરના સુભાષનગર એરપોર્ટ રોડ નેચરલ પાર્ક પ્લોટ નં.ર૦૮માં રહેતા જગદિશભાઈ મોહનભાઈ લશ્કરી પોતાના મકાનને તાળુ મારી કોઈ કામ સબબ બહાર ગયા હતા. તે વેળાએ કોઈ અજાણ્યા તસ્કરોએ બંધ મકાનને નિશાન બનાવી મુખ્ય દરવાજાના નકુચા તોડી અંદર પ્રવેશી કબાટની તિજોરીમાં રાખેલ ૧૦ હજાર રોકડા અને સોના-ચાંદીના દાગીના મળી કુલ રૂા.૪૩ હજારની મત્તાની ચોરી કરી લઈ ગયાની જગદિશભાઈ લશ્કરીએ ઘોઘારોડ પોલીસમાં ફરિયાદ આપતા પોલીસે ગુનો નોંધી વધુ તપાસ પીએસઆઈ વાય.એમ. ચુડાસમાએ હાથ ધરી છે.
