(જી.એન.એસ)મુંબઈ,તા.૨૭
સો.મીડિયામાં હાલમાં બોલિવૂડ એક્ટ્રેસ કિઆરા અડવાણીનો વીડિયો વાઇરલ થયો છે. આ વીડિયોમાં એરપોર્ટ પરની સઘન સુરક્ષા વચ્ચે સીઆઈસીએફના જવાને કિઆરાની આઇડેન્ડિટી માટે માસ્ક હટાવવાનું કહ્યું હતું. આ વીડિયો વાઇરલ થતાં જ ચાહકોને ’એમએસ ધોનીઃ ધ અનટોલ્ડ સ્ટોરી’નો સીન યાદ આવી ગયો હતો.
વાઇરલ વીડિયોમાં કિઆરા અડવાણી એરપોર્ટ પર જાય છે, તે સમયે CISFના જવાને આઇડેન્ડિટી માટે માસ્ક હટાવવાનું કહ્યું હતું અને એક્ટ્રેસે તરત જ માસ્ક હટાવી દીધો હતો.
સો.મીડિયામાં આ વીડિયો વાઇરલ થયા બાદ ચાહકોને ’એમએસ ધોની’ ફિલ્મનો સીન યાદ આવી ગયો હતો. આ ફિલ્મના એક સીનમાં સાક્ષી (કિઆરા અડવાણી) હોટલ રિસેપ્શનિસ્ટ તરીકે કામ કરતી હોય છે. જ્યારે ધોની હોટલમાં આવે છે ત્યારે સાક્ષી તેનુંIDકાર્ડ માગે છે.
આ ફિલ્મમાં સુશાંત સિંહ રાજપૂતે ટાઇટલ રોલ પ્લે કર્યો હતો. સાક્ષીના રોલમાં કિઆરા અડવાણી હતી. એક યુઝરે કહ્યું હતું કે ’ધોની’ ફિલ્મમાં પણ આ એકદમ ગંભીરતાથી કામ કરતી હતી અને તેણે ક્રિકેટરનુંID કાર્ડ માગ્યું હતું. તો અન્ય એકે કહ્યું હતું કે અધિકારીએ ’ધોની’ ફિલ્મમાંથી આ વાત શીખી છે.
૨૮ વર્ષીય કિઆરા પ્રિન્ટ ક્રોપ જેકેટ, વ્હાઇટ ટીશર્ટ તથા ડેનિમમાં જોવા મળી હતી. કિઆરાએ ઘૂંટણ સુધીના બુટ પહેર્યા હતા. આ બુટની કિંમત અંદાજે ૧,૩૩,૫૯૭ રૂપિયા છે.
કિઆરા અડવાણી ફિલ્મ ’શેરશાહ’માં જોવા મળશે. આ ફિલ્મમાં સિદ્ધાર્થ મલ્હોત્રા લીડ રોલમાં છે. આ ફિલ્મ કેપ્ટન વિક્રમ બત્રાના જીવન પર આધારિત છે. તેઓ કારગિલ યુદ્ધ દરમિયાન શહીદ થયા હતા. ફિલ્મ ૧૨ ઓગસ્ટે એમેઝોન પ્રાઇમ પર સ્ટ્રીમ થશે.
