ભાવનગર જિલ્લાના ભાવનગર, ઘોઘા, તળાજા, તાલુકાના પાણી પુરવઠા વિભાગમાં વાલ્વમેન તરીકે નોકરી કરતાં રોજમદારોને છેલ્લા પાંચ માસથી દરમાયો ચુકવવામાં આવ્યો ન હોય તથા હાલની અસહ્ય મોંઘવારીમાં દરરોજ ૧૦૦ રૂપિયા જેવો ખર્ચ કરવો પડતો હોય અને વેતન માત્ર ૪ થી ૭ હજાર જેવું ચુકવવામાં આવતું હોય અને એ પણ અનિયમિત ધોરણે આથી ૫૦ જેટલાં વાલ્વમેન સમયસર પગાર તથા પગાર વધારાની માંગ સાથે ભાવનગર શહેર ખાતે આવેલ પાણી પુરવઠા વિભાગની હેડ ઓફિસે રજૂઆત કરવા પહોંચ્યા હતા.
