મુંબઈ,તા.૧૨
સૈફ અલી ખાન અને અમૃતા સિંહની દીકરી સારા અલી ખાનનો (૧૨ ઓગસ્ટ) ૨૬મો બર્થડે છે. સારા અલી ખાને પોતાના ભાઈ ઈબ્રાહિમ અલી ખાન અને મમ્મી અમૃતા સહિત નજીકના મિત્રો સાથે મિડ નાઈટ સેલિબ્રેશન કર્યું હતું. સારાના બેસ્ટ ફ્રેન્ડ્સે તેની બર્થ ડે પાર્ટીની કેટલીક ઝલક સોશિયલ મીડિયા પર બતાવી છે. સારાના બર્થ ડેનું સેલિબ્રેશન તેના ઘરે જ થયું હતું. સારાના બર્થ ડે માટે પિંક બલૂન્સ લાવવામાં આવ્યા હતા. સારા અલી ખાન (જીછદ્ભ)ના શરૂઆતના ત્રણ અક્ષરોમાં પિંક બલૂન ભરવામાં આવ્યા હતા. જ્યારે દિવાલ પર પિંક બલૂનથી હેપી બર્થ ડે લખવામાં આવ્યું હતું. સામે આવેલા વિડીયોમાં સારાનો ભાઈ ઈબ્રાહિમ બાકીના મિત્રો સાથે પોઝ આપી રહ્યો છે. સારાની બેસ્ટી તાશિને વિવિધ ફોટોની સાથે એક નાનકડો વિડીયો પણ શેર કર્યો છે. જેમાં સારાની બર્થ ડે કેક જોવા મળી રહી છે. ચાર મોટી કેક ઉપરાંત કપ કેક સહિતની નાની કેક સારાની બર્થ ડે પર લાવવામાં આવી હતી. સારાની સાથે તેના મમ્મી અને ભાઈ વિડીયોમાં જોવા મળી રહ્યા છે. બર્થ ડે ગર્લ વ્હાઈટ રંગના વનપીસમાં જોવા મળે છે. સારા અલી ખાને પોતાના બર્થ ડે પર ખાસ વિડીયો શેર કર્યો છે. જેમાં ૧૯૯૫માં તેનો જન્મ થયો ત્યારથી લઈને ૨૦૨૧માં બર્થ ડે સેલિબ્રેટ કર્યો ત્યાં સુધીની વિવિધ તસવીરો છે. તસવીરોમાં સારા સાથે તેના મમ્મી-પપ્પા, ભાઈ અને કેટલાક મિત્રો જોવા મળે છે. વિડીયોમાં સારાની બાળપણની તસવીરોનો ખજાનો છે અને કે ખૂબ જ ક્યૂટ લાગી રહી છે. આ વિડીયો શેર કરતાં સારાએ લખ્યું, “ક્વાર્ટર સેન્ચ્યુરી પૂરી થઈ. જીવવાના, હસવાના અને પ્રેમ કરવાના ૨૬ વર્ષ થયા.”
સારાની બર્થ ડે પાર્ટીમાં જ્હાન્વી કપૂર પણ સામેલ થઈ હતી. મોડી રાત્રે જ્હાન્વી સારાના ઘરની બહાર જોવા મળી હતી. ત્યારે જ્હાન્વીએ પણ સારા સાથેની સુંદર તસવીર શેર કરીને તેને શુભેચ્છા આપી છે. બર્થ ડે પર સારા અલી ખાનને પિતા સૈફની પત્ની કરીનાએ પણ શુભકામના પાઠવી છે. કરીનાએ સારાને શુભેચ્છા પાઠવતા લખ્યું, “હેપી બર્થ ડે બ્યૂટીફુલ.” સારાએ તેનો આભાર માન્યો છે.
