ગંગાજળીયા પોલીસ મથકમાં નોધાયેલ ચોરીના ગુનામાં ફરાર કમળેજ ગામના શખ્સને એસ.ઓ.જી. ટીમે પીરછલ્લાં શેરીના નાકા પાસેથી ઝડપી લઈ ધોરણસરની કાર્યવાહી કરી હતી.
એસ.ઓ.જી. શાખાના ઇન્ચાર્જ પોલીસ ઇન્સપેકટરશ્રી ડી.ડી. પરમારની સુચનાથી એસ.ઓ.જી. સ્ટાફના માણસો સીટી વિસ્તારમાં પેટ્રોલીંગમાં હતા દરમ્યાન સ્ટાફના આસી. સબ ઇન્સ. જી.પી. જાનીને મળેલ બાતમી આધારે ગંગાજળીયા પોલીસ સ્ટેશન ઇ.પી.કો. કલમ ૩૮૦ વિ. મુજબના ગુન્હાના કામે નાસતા ફરતા આરોપી પારસભાઇ ગગજીભાઇ સાંગા રહે કમળેજ તા. જી.ભાવનગર વાળાને પીરછલ્લા શેરીના નાકા પાસેથી ઝડપી પાડેલ આરોપી વિરૂધ્ધ કાર્યવાહી કરી ગંગાજળીયા પોલીસ સ્ટેશન ખાતે સોપી આપેલ છે. આ કામગીરીમાં એસ.ઓ.જી.ના આસી.સબ ઇન્સ. જી.પી.જાની તથા હેડકોન્સ. ટી.કે.સોલંકી પોલીસ કોન્સ. અતુલભાઇ ચુડાસમા નિતીનભાઇ ખટાણા બાવકુદાન ગઢવી જોડાયા હતા.
