શેરબજારના રોકાણકારોને ચાંદી જ ચાંદી : સેન્સેક્સમાં ૯૫૮ અને નિફ્ટીમાં ૨૭૬ પોઈન્ટો હનુમાન કૂદકો, બજાજ ફિનસર્વ, એલએન્ડટી સહિતના શરોમાં તેજીની જોરદાર ચમક જોવા મળી
મુંબઈ, તા.૨૨
સકારાત્મક વૈશ્વિક સંકેતોની વચ્ચે સ્થાનિક સૂચકાંક ગુરૂવારે નવા રેકોર્ડ ઉચ્ચ સ્તરે બંધ થયા. સેન્સેક્સ ૯૫૮.૦૩ પોઈન્ટ એટલે કે ૧.૬૩ ટકાના ઊછાળા સાથે ૫૯,૮૮૫.૩૬ પોઈન્ટન સ્તર પર બંધ થયો. એનએસઈ નિફ્ટી ૨૭૬.૩૦ પોઈન્ટ એટલે કે ૧.૫૭ ટકાની તેજી સાથે ૧૭,૮૨૩ પોઈન્ટના સ્તરે બંધ થયો. નિફ્ટી પર બજાજ ફિનસર્વ, હિંદાલ્કો ઈન્ડસ્ટ્રીસ, ટાટા મોટર્સ, લાર્સન એન્ડ ટૂબ્રો તથા કોલ ઈન્ડિયાના શેરોમાં સર્વાધિક ઊછાળો નોંધાયો. બીજી તરફ એચડીએફસી લાઈફ, ડો. રેડ્ડીસ લેબ, નેસ્લે ઈન્ડિયા, આઈટીસી અને ટાટા કન્ઝુયુમર પ્રોડક્ટસના શેર ગિરાવટ સાથે બંધ થયા. સેક્ટોરલ ઈન્ડેક્સની વાત કરીએ તો રિયાલિટી ઈન્ડેક્સમાં નવ ટકાનો ઊછાળો નોંધાયો હતો. તો ળી આઈટી, મેટલ, બેન્ક, કેપિટલ ગુડ્સ, ઓઈલ એન્ડ ગેસ ઈન્ડેક્સમાં એક-એક ટકાની તેજી નોંધી હતી. બીએસઈ સેન્સેક્સ પર બજાજ ફિસર્વના શેરોમાં સૌથી વધુ ૫.૧૫ ટકાનો ઊછાળો જોવા મળ્યો. આ ઉપરાંત એલએન્ડટીના શેરમાં ૩.૪૬ ટકા, એચડીએફસીના શેરમાં ૩.૧૧ ટકા, એક્સિસ બેન્કમાં ૩.૧૧ ટકા, એસબીઆઈમાં ૨.૪૬ ટકા, રિલાયન્સ ઈન્ડસ્ટ્રીસમાં ૨.૪૩ ટકા, ઈન્ડસઈન્ડ બેન્કમાં ૨.૩૮ ટકા અને એચડીએફસી બેન્કમાં ૨.૩૩ ટકાનો ઊછાળો નોંધાયો હતો. આ ઉપરાંત આઈસીઆઈસીઆઈ બેન્ક, કોટક મહિન્દ્રા બેન્ક, ઈન્ફોસિસ, એનટીપીસી, બજાજ ફાયનાન્સ, ટાટા સ્ટીલ, ટાઈટન, બજાજ ઓટો, પાવર ગ્રિડ, એચસીએલ ટેક, એમએન્ડએમ, ટેક મહિન્દ્રા, મારુતી, ટીસીએસ, સન ફાર્મા, અલ્ટ્રાટેક સિમેન્ટ અને એશિયન પેઈન્ટ્સના શેર લીલા નિશાન પર બંધ થયા. ડો રેડ્ડીસ, આઈટીસી, નેસ્લે ઈન્ડિયા, એટયુએલ અને ભારતી એર ટેલના શેર લાલ નિશાન સાથે બંધ થયા હતા. એલકેપી સિક્યોરિટીસના પ્રમુખ (શોધ) એસ.રંગનાથને કહ્યું કે, મોનસૂનની પ્રગતી અને વેક્સિનેશનની તેજ ગતિ જેવા સકારાત્મક સંકેતોથી શેર બજારોમાં બારે તેજી જોવા મળી અને સેન્સેક્સ ૬૦ હજાર પોઈન્ટની આસપાસ બંધ થયું. મહામારી દરમિયાન સરકાર દ્વારા લેવાયેલા પગલાંની અસર હવે જોવા મળી રહી છે અને એના લીધે જ મીડિયા ઈન્ડેક્સને બાદ કરતા બાકીના તમામ સેક્ટોરલ ઈન્ડેક્સ વધારા સાથે બંધ થયા. રિયલ એસ્ટેટ સેક્ટરને લઈને સકારાત્મક સમાચારો આવ્યા બાદ આ સેક્ટર અને મોર્ગેજ કંપનીઓના શેરોમાં ઊછાળો જોવા મળ્યો.
