મુંબઈ ,તા.૨૭
ટીમ ઇન્ડિયાની અંદર વિરાટ કોહલી સામે બળવો શરૂ થયો હતો. એવા અહેવાલો છે કે ઘણા દિગ્ગજ ખેલાડીઓ ડ્રેસિંગ રૂમમાં વિરાટ કોહલીના વર્તનથી નારાજ હતા. જેને લઈને દિગ્ગજ ખેલાડીએ કોહલી વિરુદ્ધ BCCIસચિવને ફરિયાદ કરી હતી. જોકે તે ખેલાડી કોણ હતો તે હજુ સ્પષ્ટ થયું નથી. થોડા સમય પહેલા BCCI ના એક સૂત્રએ કહ્યું હતું કે, ‘કોહલી નિયંત્રણ ગુમાવી રહ્યો છે. તેણે આદર ગુમાવ્યો છે અને કેટલાક ખેલાડીઓ તેના વલણને પસંદ કરી રહ્યા નથી. તે હવે પ્રેરણાદાયી કેપ્ટન નથી અને તે ખેલાડીઓનું સન્માન મેળવવામાં સક્ષમ નથી. જ્યારે તેમની સાથે વ્યવહાર કરવાની વાત આવે ત્યારે તે પોતાની મર્યાદાઓને આગળ ધપાવે છે.ટીમ ઈન્ડિયાના કેપ્ટન વિરાટ કોહલીએ તાજેતરમાં ્૨૦ ની કેપ્ટનશીપ છોડવાની જાહેરાત કરીને બધાને ચોંકાવી દીધા હતા. વિરાટ કોહલી ૨૦૨૧ ્૨૦ વર્લ્ડ કપ બાદ ્૨૦ કેપ્ટનશીપ છોડી દેશે. વિરાટ કોહલી માટે વર્તમાન સમય સારો નથી ચાલી રહ્યો. એવા અહેવાલો છે કે ટીમ ઈન્ડિયાના એક દિગ્ગજ ખેલાડીએ ઈંગ્લેન્ડ પ્રવાસ પર કોહલીના વર્તન અંગે BCCIને ફરિયાદ કરી હતી.
