એલસીબીએ રૂા.૨૭ હજારનો મુદ્દામાલ કબ્જે કરી પાલિતાણા પો.સ્ટે.માં સોંપી દીધા
એલ.સી.બી. સ્ટાફનાં માણસો પાલીતાણા ગ્રામ્ય વિસ્તારમાં પેટ્રોલીંગમાં હતાં.તે કુંભણ ગામે પહોંચતા હેડ કોન્સ. જયદાનભાઇ લાંગાવદરા તથા પો.કોન્સ. બીજલભાઇ કરમટીયાને સંયુક્ત બાતમીરાહે હકિકત મળેલ કે, મનજીભાઇ લાખાભાઇની વાડીની બાજુમાં બાવળની કાંટમાં જાહેરમાં અમુક ઇસમો ભેગા થઇ ગંજીપતાનાં પાનાં વડે તીનપતીનો હારજીતનો જુગાર રમે છે. જે જગ્યાએ રેઇડ કરતાં રમેશભાઇ વલ્લભભાઇ બાબરીયા ઉ.વ.૩૦, અંકિતભાઇ કનુભાઇ વેકરીયા ઉ.વ.૨૪, ભરતભાઇ માધુભાઇ બારૈયા ઉ.વ.૨૮, અશ્વિનભાઇ વલ્લભભાઇ મકવાણા ઉ.વ.૨૭ સહિત ચાર શખ્સો ગંજીપાના વડે હારજીતનો જુગાર રમતા હોય તેઓને રૂા.૨૬,૯૧૦ની રોકડ સહિતના મુદ્દામાલ સાથે ધરપકડ કરી તમામ ઇસમો વિરૂદ્ધ પાલિતાણા રૂરલ પો.સ્ટે.માં જુગાર પ્રતિબંધક ધારાની કલમ હેઠળ ગુનો દાખલ કરાવેલ.
