ભાવનગર બી-ડીવીઝન પોલીસની ટીમે મોડી રાત્રે આડોડીયાવાસ વિસ્તારમાં સરાજાહેર જુગારની બાજી માંડીને બેઠેલા બે અમદાવાદી અને એક સ્થાનિક શખ્સને ઝડપી લીધા હતા જયારે બે જુગારી નાસી છુટવામા સફળ રહ્યાં હતાં. સમગ્ર બનાવ અંગે બી-ડીવીઝન પોલીસ મથકે થી જાણવા મળતી વિગતો અનુસાર શહેરના બી-ડીવીઝન પોલીસ મથકનો સ્ટાફ મોડી રાત્રે પેટ્રોલીંગ પર હોય એ દરમ્યાન આડોડીયાવાસ વિસ્તારમાં આવેલ અખાડા સામે ખુલ્લી જગ્યામાં હારજીતના તિનપત્તીના જુગારની બાજી માંડીને બેઠેલાં ત્રણ શખ્સને ઝડપી લીધા હતા જેમાં ભાવેશ લધારામ પારવાણી ઉ.વ ૩૯ રે.કુબેરનગર અમદાવાદ પંકજ પ્રફૂલ તમાયશી ઉ.વ.૩૯ રે.કુબેરનગર અમદાવાદ તથા મનિષ મનજી રાઠોડ રે.આડોડીયાવાસ ભાવનગર વાળાને જુગારનું સાહિત્ય તથા પટમાં પડેલ રોકડા રૂપિયા ૧૦,૧૫૦/-સાથે ઝડપી લીધા હતા જયારે ગણેશ વિનુ પરમાર તથા રણુ હરૂ રાઠોડ રેડ દરમ્યાન નાસી છુટ્યા હતાં આ તમામ આરોપીઓ વિરુદ્ધ જુગારધારા મુજબ ગુનો નોંધી વધુ તપાસ હાથ ધરી હતી.
