મુંબઈ, તા.૯
સપ્ટેમ્બર, ૨૦૨૧માં હાર્ટ અટેકના કારણે સિદ્ધાર્થ શુક્લાનું નિધન થતાં શહેનાઝ ગિલનું તો જીવન જાણે વેખવિખેર થઈ ગયું હતું. સિદ્ધાર્થ શુક્લા આમ અચાનક જતાં રહેતા શહેનાઝ ગિલ ભાંગી પડી હતી. તેના નિધનના આઘાતમાંથી બહાર આવવામાં સિંગર-એક્ટ્રેસને ઘણો સમય લાગ્યો હતો. અત્યાર સુધીના ઘણા ઈન્ટરવ્યૂમાં તે સમય તેના માટે કેવો હતો તેના વિશે વાત કરી ચૂકી છે. વાતચીત કરવા દરમિયાન તે ઘણીવાર રડતા પણ દેખાઈ છે. જો કે, શહેનાઝ ગિલ હવે એકલા ખુશ રહેતા શીખી ગઈ છે અને નોર્મલ લાઈફ તરફ વળી ગઈ છે. પંજાબની કેટરીના તરીકે જાણીતી શહેનાઝ ગિલ છેલ્લા કેટલાક દિવસથી તેના વતન પંજાબમાં છે. જ્યાં તે ખૂબ એન્જોય કરી રહી છે અને સાથે ફેન્સને પણ તેના સુંદર વતનની ઝલક દેખાડી રહી છે. શહેનાઝ ગિલ વતનમાં જઈને પંજાબી કૂડી બની ગઈ છે. તેણે સોશિયલ મીડિયા પર એક વીડિયો શેર કર્યો છે, જેમાં તે પરિવારની કેટલીક મહિલાઓ સાથે ઘર બહાર રોડ પર પોપ્યુલર પંજાબી બોલી પર પર્ફોર્મ કરી રહી છે. શહેનાઝે પર્પલ ડ્રેસ અને દુપટ્ટો પહેર્યો છે. વીડિયોમાં, તેને પરિવાર અને પાડોશી સાથે ગાતી જોઈ શકાય છે. જે બાદ તે ગિદ્દા પર કરે છે, જે પંજાબની મહિલાઓનું એક લોકપ્રિય નૃત્ય છે. તેની સાથે અન્ય મહિલાઓ પણ જોડાઈ છે.ઘણા લાંબા સમય બાદ શહેનાઝને ખુશ જોઈને તેના ફેન્સને પણ આનંદ થઈ રહ્યો છે. એક ફેને લખ્યું છે અમારી જૂની ગિલ પાછી આવી ગઈ, એક ફેને લખ્યું છે તને ખુશ જોઈને ખુશી થાય છે, એક ફેને શહેનાઝ ગિલના વખાણ કરતાં લખ્યું છે ’કેટલી સુંદર લાગી રહી છે. તો એકે લખ્યું છે વડીલો સાથે સમય પસાર કરવો તે સારી વાત છે. તને ખૂબ બધો પ્રેમ. ભગવાન હંમેશા તારા પર આશીર્વાદ વરસાવતા રહે, તું હંમેશા ચમકતી રહે. એક દિવસ પહેલા શહેનાઝ ગિલે તેના ગામડાના ખેતરમાંથી સુંદર વીડિયો શેર કર્યો હતો. જેમાં પણ તે ડ્રેસમાં જોવા મળી હતી. તેણે ટ્રેકટરની રાઈડ મારી હતી તો સરસવના ખેતરમાં દુપટ્ટો લહેરાવીને ડાન્સ પણ કર્યો હતો.શહેનાઝ ગિલ હાલમાં તેના મોબાઈલના વોલપેપરના કારણે ચર્ચામાં આવી હતી, જેમાં તે સિદ્ઘાર્થનો હાથ પકડેલી જોવા મળી હતી. તે જોઈને ઈંજીૈઙ્ઘદ્ગટ્ઠટ્ઠડના ફેન્સની આંખો ભીની થઈ ગઈ હતી.
