નવીદિલ્હી,તા.૧૮
સરકાર દ્વારા જાહેર કરવામાં આવેલા આંકડા મુજબ દેશમાં જથ્થાબંધ મોંઘવારી દર અગાઉના અંદાજ કરતા વધારે રહ્યો છે. નિષ્ણાતોએ તેને વધારીને ૧૩.૩૦ ટકા પર રહેવાનો અંદાજ જણાવ્યો હતો. જો આપણે આંકડા પર નજર કરીએ તો દર મહિનાના આધાર પર માર્ચ મહિનામાં ખાદ્ય ચીજોનો જથ્થાબંધ મોંઘવારી દર ૮.૪૭ ટકાથી વધીને ૮.૭૧ ટકા પર પહોંચી ગયો છે. જ્યારે ઈંધણ અને વીજળીનો જથ્થાબંધ મોંઘવારી દર ફેબ્રુઆરીમાં ૩૧.૫૦ ટકાથી વધીને ૩૪.૫૨ ટકા થયો છે.
જથ્થાબંધ મોંઘવારી આસમાને પહોંચવા પાછળનું સૌથી મોટું કારણ ખાદ્ય ચીજવસ્તુઓના ભાવમાં વધારો છે. ઉત્પાદિત ઉત્પાદનોનો ફુગાવાનો દર ફેબ્રુઆરીમાં ૮.૪૭ ટકા હતો, જે માર્ચમાં વધીને ૮.૭૧ ટકા થયો છે. આ ઉપરાંત પેટ્રોલિયમ અને નેચરલ ગેસના ભાવમાં વધારાને કારણે મોંઘવારી વધી છે. રશિયા-યુક્રેન યુદ્ધને કારણે કાચા તેલની કિંમતો સતત વધી રહી છે. તેલ અને વીજળીના ફુગાવાના દરમાં પણ તીવ્ર વધારો થયો છે, જે જથ્થાબંધ ફુગાવામાં ૧૩.૧૫ ટકા હિસ્સો ધરાવે છે. મંત્રાલયે કહ્યું કે ઈંધણનો ફુગાવાનો દર ફેબ્રુઆરીમાં ૫.૬૮ ટકા હતો. જે માર્ચમાં જ વધીને ૯.૧૯ ટકા થઈ ગયો છે. આમાં સૌથી મોટી ભૂમિકા પેટ્રોલ-ડીઝલના વધતા ભાવ અને ઝ્રદ્ગય્-ઁદ્ગય્ મોંઘા થવાના કારણે છે. જથ્થાબંધ મોંઘવારી દરમાં વધારોનો અર્થ એ છે કે જ્યારે ઉત્પાદનોના જથ્થાબંધ ભાવમાં કોઈ રાહત નથી, તો પછી ગ્રાહકો સુધી પહોંચતા છૂટક ભાવ કેવી રીતે નીચે આવશે. ૧૨ એપ્રિલે જાહેર કરવામાં આવેલા આંકડા અનુસાર, માર્ચમાં રિટેલ મોંઘવારી દર ૬.૯૫ ટકા પર પહોંચી ગયો છે, જે ૧૭ મહિનાની સૌથી ઊંચી સપાટી પર છે. ઉત્પાદનોની કિંમત સતત વધી રહી છે, જેનો બોજ આખરે ગ્રાહકો પર આવી રહ્યો છે અને જથ્થાબંધ મોંઘવારી સાથે રિટેલ ફુગાવાનો દર પણ વધી રહ્યો છે. સૌથી વધુ અસર શાકભાજીના ભાવમાં જોવા મળી રહી છે. માર્ચ મહિનામાં શાકભાજીના ભાવમાં સરેરાશ ૧૯.૮૮ ટકાનો વધારો થયો છે. જ્યારે બટાકાના ભાવમાં ૨૪.૬૨ ટકાનો વધારો થયો છે. ડુંગળી ૯.૩૩ ટકા સસ્તી થઈ છે. ફળોનો જથ્થાબંધ મોંઘવારી દર ૧૦.૬૨ ટકા હતો જ્યારે ઘઉંનો ૧૪.૦૪ ટકા પહોંચ્યો હતો. ઇંડા, માંસ અને માછલીનો ફુગાવાનો દર ૯.૪૨ ટકા પર પહોંચ્યો છે, જે એક મહિના પહેલા ૮.૧૪ ટકા હતો. દેશમાં જથ્થાબંધ મોંઘવારીના આંકડા જાહેર થયા બાદ કેન્દ્ર સરકાર દ્વારા એક નિવેદન જારી કરવામાં આવ્યું હતું જેમાં કહેવામાં આવ્યું હતું કે માર્ચ ૨૦૨૨માં મોંઘવારીનો ઊંચો દર મુખ્યત્વે રશિયા-યુક્રેનને કારણે વૈશ્વિક સપ્લાય ચેઇનમાં વિક્ષેપના કારણે ક્રૂડ પેટ્રોલિયમ અને કુદરતી ગેસ, ખનિજ તેલ સહીત અન્ય વસ્તુઓની કિંમતોમાં વધારાને કારણે વધ્યો છે.
