મુંબઈ, તા.૨૩
હિમાચલ પ્રદેશની વાદિઓમાં વિસ્તારોમાં ફરી એકવાર બોલિવૂડ ફિલ્મોનું શૂટિંગ શરૂ થઈ ગયું છે. એક અઠવાડિયા પહેલા આલિયા ભટ્ટ સાથે લગ્ન કર્યા બાદ અભિનેતા રણબીર કપૂર ફિલ્મના શૂટિંગ માટે મનાલી પહોંચી ગયો છે. તે અભિનેત્રી રશ્મિકા મંદાના સાથે ફિલ્મ ’એનિમલ’ કરી રહ્યો છે. આ ફિલ્મનું શૂટિંગ લગભગ એક અઠવાડિયા સુધી મનાલી અને લાહૌલના મેદાનોમાં કરવામાં આવશે. બંને ગુરુવારે મનાલી પહોંચ્યા હતા અને બારાગઢ રિસોર્ટ એન્ડ સ્પામાં રોકાયા હતા. હોટલ પર પહોંચતા, કુલ્લવી પરંપરા અનુસાર હોટેલ સંચાલક અને પ્રખ્યાત બાગવાન નકુલ ખુલ્લર અને તેમના પુત્ર ગુણલ ખુલ્લરે તેમનું સ્વાગત કર્યું. આ પહેલા અર્જુન કપૂર અને ભૂમિ પેડનેકર ફિલ્મ ધ લેડી કિલરના શૂટિંગ માટે મનાલી પહોંચી ગયા છે. આ ફિલ્મનું શૂટિંગ લાહૌલના મેદાનોમાં ચાલી રહ્યું છે. હવે રણબીર કપૂર અને રશ્મિકા મંદાનાએ એનિમલ ફિલ્મના શૂટિંગ માટે મનાલીમાં પડાવ નાખ્યો છે. કબીર સિંહ ફિલ્મનું નિર્દેશન કરનાર સંદીપ રેડ્ડી વાંગા આ ફિલ્મના નિર્દેશક છે. બાગવાન નકુલ ખુલ્લરે બારાગઢ હોટેલ અને સ્પામાં બંનેનું કુલ્લવી પરંપરા મુજબ કેપ પહેરીને સ્વાગત કર્યું. બંને લગભગ એક અઠવાડિયા સુધી અહીં રહેશે અને ફિલ્મનું શૂટિંગ મનાલી અને લાહૌલમાં બરફની વચ્ચે કરવામાં આવશે.
