મુંબઇ,તા.૨૨
ભારત અને દક્ષિણ આફ્રિકા વચ્ચે રવિવારે ટી ૨૦ શ્રેણીની પાંચમી અને છેલ્લી ટી ૨૦ મેચ રમાઈ હતી. બેંગ્લોરમાં રમાયેલી આ મેચમાં ટીમ ઈન્ડિયાએ ફરી એકવાર ટોસ હારીને પ્રથમ બેટિંગ કરવી પડી હતી. આખી સિરીઝની આ હાલત રહી છે. એટલે કે ટીમ ઈન્ડિયા દરેક મેચમાં ટોસ હારી છે. મહત્વનું છે કે ભારત અને સાઉથ આફ્રિકા વચ્ચેની પાંચ મેચની ટી૨૦ સીરિઝ ૨-૨ થી સરભર રહી હતી. સીરિઝની પાંચમી અને નિર્ણાયક મેચ વરસાદના કારણે રદ્દ થતા સીરિઝ સરભર રહી હતી. આ સાથે સુકાની રિષભ પંત એવો પ્રથમ સુકાની બન્યો છે જેણે પાંચ ટી ૨૦ની દ્વિપક્ષીય શ્રેણીમાં તેના તમામ ટોસ હાર્યા હોય. રિષભ પંતે પણ આ સિરીઝથી કેપ્ટનશિપમાં ડેબ્યુ કર્યું હતું અને તેની શરૂઆત નસીબની દૃષ્ટિએ સારી રહી નથી.અત્યાર સુધી ૧૯ શ્રેણીમાં આવું બન્યું છે જ્યારે કોઈ સુકાની પાંચ કે તેથી વધુ મેચોની દ્વિપક્ષીય શ્રેણીમાં ૪ વખત ટોસ હાર્યો હોય. પુરૂષોની ટી૨૦માં ૧૦ વખત અને વિમેન્સ ટી૨૦માં ૯ વખત આવું બન્યું છે. પરંતુ આ પહેલી વખત છે જ્યારે કોઈ પાંચ મેચની શ્રેણીમાં પાંચેય ટોસ હારી ગયું હોય.આ સિરીઝમાં ખાસ વાત એ હતી કે રિષભ પંતે તમામ ટોસ હાર્યા હતા. ટીમ ઈન્ડિયાએ તમામમાં પ્રથમ બેટિંગ કરી હતી અને કોઈપણ મેચમાં ટીમ ઈન્ડિયાએ તેના પ્લેઈંગ-૧૧માં કોઈ ફેરફાર કર્યો નથી.
