સૌરાષ્ટ્ર,ભાવનગર,અમરેલી અને કચ્છમાં ભારે વરસાદની આગાહી કરવામાં આવી છે,ત્યારે ઘોઘાના દરીયામાં કરંટ જોવા મળતા ગુજરાત મેરી ટાઇમ બોર્ડ દ્વારા બંદર પર ત્રણ નંબરનું સિગ્નલ લગાવવામાં આવ્યું છે,રાજ્યમાં હવામાન વિભાગ દ્વારા કરવામાં આવેલ ભારે વરસાદની અને ૫૦થી ૬૦ કી.મી.ની ઝડપે પવન ફૂંકાવાની આગાહીના પગલે દરિયામાં મોટા મોજા ઉછળી રહ્યા છે,ઘોઘા બંદર પર વરસાદની આગાહી અને વાતાવરણમાં આવેલા પલટાને લઈ દરિયામાં ભારે કરંટ જોવા મળી રહ્યો છે. હાલમાં તંત્ર દ્વારા લોકોને સાવધાન રહેવા ચેતવવામાં આવ્યા છે અને માછીમારોને દરીયો ન ખેડવા સુચના અપાઈ છે.
