વિજ્ઞાનનગરી દ્વારા ઉનાળાના વેકેશનમાં રમતા રમતાં બાળકોના જ્ઞાનમાં વધારો થાય અને ગણિત વિજ્ઞાનને વધારે સમજે તેવા હેતુથી ભાવનગર મહાપાલિકા સંચાલિત, બાળ વાટિકા, – બોરતળાવ પાસે વિજ્ઞાન વાહિની સોમથી શુક્ર સાંજે ૪થી ૬ દરમ્યાન મોકલવામાં આવે છે. જેમાં વિજ્ઞાનના મોડલ અને જ્ઞાનવર્ધક પઝલનો આશરે ૧૦૦થી વધારે બાળકો અને પર્યટકો લાભ લે છે. વિજ્ઞાન વાહિનીમાં મોડેલ, પઝલ અને શૈક્ષણિક ફિલ્મ બતાવવામાં આવે છે. ભાવનગર શહેરની સોસાયટી, એરિયા અથવા વસાહતમાં જ્ઞાન-વિજ્ઞાનના પ્રચાર પ્રસાર માટે વિજ્ઞાન વાહિની વિનામુલ્યે મોકલવામાં આવે છે.
