ગાંધીનગરના પર્યાવરણ પ્રેમિઓએ વૃક્ષો બચાવવા માટે લોક આંદોલનના મંડાણ કર્યા છે. ગાંધીનગરના ચ-૦ થી વૈશ્વોણદેવી સર્કલ અને ઉત્તર ગુજરાતના રોડ પહોળો કરવાના બહાના હેઠળ ચાર લાખ જેટલા વૃક્ષો કપાવવાના છે. તેને બચાવવા મુખ્યમંત્રીએ આવેદન પણ પાઠવ્યું છે. ગ્લોબલ વોર્મિગ જેવી વેશ્વિક સમસ્યાનો સામનો આપણે કરી રહ્યા હોય ત્યારે પ્રકૃતિનું રક્ષણ કરતા અને દુર્લભ ઘટાદાર વૃક્ષો કપાઈ જાય તે પર્યાવરણ અને પ્રકૃતિને ભયંકર નુકશાન છે. વળી ૩૩ ટકા વન વિસ્તાર હોવો જોઈએ તેના બદલે ગુજરાતમાં માત્ર ૭.પર ટકા જ વન વિસ્તાર છે. આમ પ્રકૃતિની સાથે માનવ જીવનના રક્ષણ માટે પણ આ વૃક્ષો કપાય નહીં તે જોવું રહયું. ગ્રીનસીટી ગણાતા ગાંધીનગરનું તાપમાન છેલ્લા કેટલાંક સમયથી વધવા પામ્યુ છે તેનું પણ આ એક કારણ હોઈ શકે. આમ વિકાસ જરુરી છે પરંતુ પર્યાવરણના ભોગે ન થાય તે માટે ગાંધીનગરમાં આંદોલન શરૂ થયું છે.
