પાલિતાણા તાલુકાના ગામની સગીરાને લલચાવી ફોસલાવી ભગાડી જઈ બોરતળાવ મફતનગર પાસે ભાડાના મકાનમાં રહેતો ફરિયાદકા ગામના શખ્સને એલસીબી ટીમે ઝડપી લઈ ધોરણસર કાર્યવાહી કરી હતી.
ભાવનગર શહેર વિસ્તાર માં પેટ્રોલીંગમાં હતાં.તે દરમ્યાન હેડ કોન્સ. પૃથ્વીરાજસિંહ બી.ગોહિલ તથા પો.કો. સત્યજીતસિંહ ગોહિલને બાતમીરાહે હકિકત મળેલ કે, પાલીતાણા રૂરલ પો.સ્ટે. ઇ.પી.કો.કલમઃ- ૩૬૩,૩૬૬ મુજબનાં ગુન્હાનાં કામે નાસતો ફરતો આરોપી આ કામનાં ભોગ બનનાર બાળાને લઇને લાલાભાઇ રહે.ચિત્રા,માર્કેટીંગ યાર્ડની પાછળ, મફતનગર, ભાવનગર ખાતે ભાડાનાં મકાનમાં રહે છે. જે બાતમી આધારે બાતમીવાળી જગ્યાએ આવતાં આરોપી રવિરામ ઉર્ફે રવિ તુલશીદાસ પરમાર ઉ.વ.૨૩ રહે.મુળ ગામ-ફરીયાદકા રોડ,ભીકડા તા.ઘોઘા જી.ભાવનગરવાળા સાથે ભોગ બનનાર બાળા હાજર મળી આવેલ.જેથી આરોપી વિરૂધ્ધ કાયદેસર કાર્યવાહી કરી તેને બોરતળાવ પોલીસ સ્ટેશન સોંપી આપવામાં આવેલ.
આ બનાવ અંગે પાલીતાણા રૂરલ પોલીસ સ્ટેશનમાં ફરીયાદ દાખલ થયેલ હોય.જે ભોગ બનનાર બાળા તથા આરોપીને પાલીતાણા રૂરલ પોલીસ સ્ટેશન ખાતે સોંપવા તજવીજ કરવામાં આવેલ છે.
