ભાવનગર શહેરમાં આ વર્ષે નવરાત્રિ મહોત્સવના ચાર થી વધુ પ્રોફેશ્નલ આયોજન થયા છે. જેમાં શહેરના સિદસર રોડ પર આવેલ રાજપથ ગ્રુપ દ્વારા નવરાત્રિ મહોત્સવ ર૦૧૮નું ભવ્ય અને સુંદર આયોજન કરવામાં આવ્યું છે. જે અંગેની માહિતી આપવા આજરોજ રાજપથ ગ્રુપના મુખ્ય આયોજક યજ્ઞદિપસિંહ સરવૈયા દ્વારા પત્રકાર પરિષદ બોલાવાઈ હતી. જેમાં યજ્ઞદિપસિંહે જણાવ્યું હતું કે, દાંડીયા ક્વીન પાયલ શાહના સથવારે રાજપથ નવરાત્રિ મહોત્સવ ર૦૧૮નું આયોજન કરાયું છે. જેમાં ગ્રુપ દ્વારા ભાવનગરમાં પ્રથમવાર સુપ્રસિધ્ધ જય ભવાની સાઉન્ડ તળે ખેલૈયાઓને જુમાવવા તેમજ સીસીટીવી કેમેરાથી સજ્જ અમદાવાદની રેડ ફોક્સ સિક્યુરીટી, વિશાળ પાર્કિંગ તેમજ ખેલૈયાઓને જુમવા વિશાળ ગ્રાઉન્ડ તેમજ લાઈટ ડેકોરેશનનું ભવ્ય આયોજન કરાયું છે તેમજ ગ્રુપ દ્વારા સેલ્ફીઝોન અને ઈનામોની વણઝારો કરવામાં આવશે અને વધુમાં યજ્ઞદિપસિંહે જણાવ્યું હતું કે, રાજપથ ગ્રુપ દ્વારા સ્વચ્છતા અભિયાન તેમજ રકતદાનની જાગૃતિ અંગે ખાસ ઝુંબેશ હાથ ધરવામાં આવશે. રાજપથ ગ્રુપ દ્વારા આ ભવ્ય આયોજનનમાં જોડાવવા ભાવેણાવાસીઓને અનુરોધ કરવામાં આવ્યો છે.
