બોટાદ જીલ્લાના રાણપુર સહીત આજુબાજુ ના વિસ્તારમાં ચાલુ વર્ષે સાવ ઓછો વરસાદ થતા હાલમાં કુવાઓમા પાણીના તળ ઉંડા જતા રહ્યા છે રાણપુર શહેરમાં પીવાના પાણીને લઈ ગંભીર સમસ્યા ઉભી થઈ છે આવનારા દીવસોમાં પીવાના પાણીને લઈને કટોકટીનો સર્જાય તે માટે રાણપુર ગામ માટે સુખ ભાદર ડેમમાંથી મળતા પાણીનો જથ્થો અનામત રાખવા આવે અને આ સુખ ભાદર ડેમને નર્મદાના પાણીથી ભરવામાં આવે તો રાણપુરને પુરતા પ્રમાણમાં પીવાનુ પાણી મળી રહે તે માટે રાણપુર ગ્રામ પંચાયતના સરપંચ અબ્બાસભાઈ ખલાણી અને પંચાયતના સભ્યો દ્વારા બોટાદ કલેક્ટરને આવેદન પત્ર આપવામાં આવ્યુ હતું.
જો આવનારા દીવસોમાં માંગણી નહી સ્વીકારાય તો સરપંચ અને સભ્યો દ્વારા આત્મવિલોપન કરવામાં આવશે અને રાણપુર બંધ નુ એલાન આપવામાં આવશે તેવી સરપંચ અબ્બાસભાઈ ખલાણી દ્વારા ચિમકી આપવામાં આવેલ.
