મુંબઈ- પ્રોડ્યુસર આનંદ પંડિત દરેક કામને પોતાના ખાસ અંદાજથી કરવા માટે જાણીતા છે. સૈફ અલી ખાન અભિનિત ફિલ્મ ‘બાજાર’ અત્યારે ચર્ચામાં છે. આ ફિલ્મ સાથે જોડાયેલા બધા ભારતીય રાઈટસ આનંદ પંડિતે હસ્તગત કર્યા છે. સમગ્ર દેશમાં નવરાત્રી ઉજવવામાં આવી રહી છે ત્યારે અનુભવી નિર્માતા આનંદ પંડિત આ ફિલ્મના મુખ્ય અભિનેતા સૈફ અલી ખાનને લઈને અમદાવાદમાં ગરબાની ઉજવણી કરવા આવી રહ્યા છે. તહેવાર સિવાય આનંદ પંડિતને સૈફને અમદાવાદમાં બોલાવવો એટલે વધારે યોગ્ય લાગ્યું છે કેમકે સૈફ અલી ખાન અભિનિત આ ફિલ્મ સ્ટોક માર્કેટ અને ઈન્વેસ્ટમેન્ટ વિશ્વની આસપાસ આકાર લઈ રહી છે. જ્યારે અમદાવાદ પણ બિઝનેસ અને માર્કેટીંગનું હબ ગણાય છે. નિર્માતા આનંદ પંડિતે ફિલ્મ રીલીઝ થાય એ પહેલાં સૈફ અલી ખાનની એક ઈવેન્ટ આ બિઝનેસમેન લોકો સાથે ડિઝાઈન કરી એ રીતે આખી યોજના પરફેક્ટ છે. આનંદ પંડિત પોતે પણ અમદાવાદ શહેરના હોવાથી તેઓ ઈચ્છતા હતા કે સૈફ પણ આ ગરબાનો અનુભવ લે. ૧૮ ઓક્ટોબરે અંદાજીત એક લાખથી પણ વધુ લોક સમુદાયથી ઉભરાયેલી ગરબા ઈવેન્ટ યોજાઈ.
આનંદ પંડિત કહે છે, “સૈફ અલી ખાન અમારી ફિલ્મમાં એક ઉદ્યોગપતીનો કિરદાર નિભાવી રહ્યા છે. ફિલ્મ ‘બજાર’ અને સૈફના કિરદારને અમદાવાદના બિઝનેસમાં ખુબ રસ છે.
