અખંડ ભારતના શીલ્પી, લોખંડી પુરૂષ સરદાર વલ્લભાઈ પટેલની આજે ૧૪૩મી જન્મજયંતિ તેમજ ભારતના લોકલાડીલા પ્રથમ મહિલા વડાપ્રધાન સ્વ. ઈન્દિરા ગાંધીની પુણ્યતિથિ નિમિત્તે આજરોજ ભાવનગર શહેર કોંગ્રેસ સમિતિ દ્વારા ભાવનગર શહેરના સરદારબાગ ખાતે આવેલ સરદાર વલ્લભભાઈ પટેલની પ્રતિમાને પુષ્પાંજલિ અર્પણ કરવામાં આવી હતી. તે જ રીતે સ્વ. ઈન્દિરાજીની છબીને ફુલહાર કરી સ્મરણાંજલિ અર્પણ કરવામાં આવી હતી. આ કાર્યક્રમમાં ભાવનગર શહેર કોંગ્રેસ સમિતિના પ્રમુખ રાજેશ જોષી, ભાવ. મ્યુ. વિપક્ષના નેતા જયદીપસિંહ ગોહિલ સહિતના કોંગ્રેસના પદાધિકારીઓ, હોદ્દેદારો, આગેવાનો, નગરસેવકો, જુદી-જુદી પાંખના હોદ્દેદારો મોટી સંખ્યામાં ઉપસ્થિત રહ્યા હતાં.
