ગુજરાત ફોર્ચ્યૂન જાયન્ટસે પ્રો-કબડ્ડી લીગના જોન-બીના મુકાબલામાં ધમાકેદાર પ્રદર્શન કરતા શહીદ વિજય સિંહ પથિક સ્પોર્ટસ કોમ્પલેક્સમાં જયપુર પિંક પેન્થર્સને ૩૬-૨૫થી પરાજીત કરી દીધુ છે. મીડિયા રિપોર્ટસ અનુસાર, મેચની શરૂઆતમાં જ ગુજરાતે શાનદાર પ્રદર્શન કર્યુ અને મેચ પર પોતાની પકડ બનાવી રાખી. મેચમાં ક્યારેય એવો સમય આવ્યો નહી કે, જ્યારે જયપુરે લીડ મેળવી હોય. પ્રથમ હાફની સમાપ્તિ સુધી ગુજરાતે ૧૪-૧૩ની લીડ મેળવી હતી અને બીજા હાફમાં પોતાના દમદાર પ્રદર્શનને યથાવત રાખ્યું. બીજા હાફમાં વાપસીના પ્રયત્ન કર્યા પરંતુ તે પોતાની રમતમાં સારી રીતે પરત ફરી શકી નહી. આ મુકાબલામાં પિંક પેન્થર્સની ટીમ બે વખત ઓલઆઉટ થઇ. ગુજરાતે મુકાબલામાં રેડથી ૧૪ અને ટૈકલ ૧૫ અંક મેળવ્યા, જ્યારે જયપુરે રેડથી ૧૦ અંક અને ટૈકલથી ૧૧ અંક હાંસલ કર્યા. આ મુકાબલામાં ગુજરાત તરફથી સચિને શાનદાર પ્રદર્શન કર્યુ. તેણે ૧૩ રેડમાં ૬ અંક હાંસલ કર્યા, જ્યારે કપ્તાન સુનીલ કુમારે ૨ ટૈકલમાં ૮ અંકો સાથે ટોપ ડિફેંડર રહ્યો, ત્યાં જ જય.પુર તરફથી નીતિન રાવલે ૮ રેડમાં ૪ અંક હાંસલ કર્યા, જ્યારે ડિફેંડર યંગ ચાંગને ૫માંથી ૫ અંક મળ્યા.
