આજે ઢસા ગામે ચારણ સમાજમાં એક સાથે બે બે નનામીઓ નીકળતા ગામ હિબકે ચડ્યું હતુ. મૂળ ઢસા ગામના ખ્યાતનામ કવિરાજ દિલજીતભાઈ બાટી(ગઢવી)ઉ.વ ૫૩ જે પોતે ચારણી સાહિત્યમાં ખૂબ જ પકડ ધરાવતા હતાં. લોકસાહિત્ય માં પણ તેમની ખૂબ જ બોલબાલા હતી અનેક કાર્યક્રમો તેમને આપેલા છે સાથે જ સંગીત અકાદમી દ્વારા તેમને સન્માનિત કરવામાં આવેલ. આજે આ કવિરાજ ગઢવીની જિંદગીનો સૂરજ અચાનક જ આથમી ગયો હતો. આજે સવારે અચાનક જ હૃદયરોગનો હુમલો આવી જતા ૧૦૮ સેવા મારફતે સિહોર લાવતા દવાખાના ના હાજર તબીબે તેમને મૃત જાહેર કરેલ. જેને લઈને ચારણ સમાજમાં શોક નું મોજું ફરી વળેલ. દિકરાની આ દુનિયામાંથી થયેલ વસમી વિદાયમાં જીરવી ના શકી. દિકરાને અંતિમ વિદાય આપી અને દિકરાની ચિતાની રાખ હજુ ઠરી પણ ના હતી ત્યાં માતા કનુંબહેન બાટી ઉ.વ.૬૫ એ પણ દિકરાની પાછળ જ અનંત ની રાહ પકડી લીધી હતી. દિકરાનો વિરહ ના જીરવી શકી ચારણ આઈ આ દુઃખદ ઘટના થી ઢસા ગામમાં શોકનું મોજું ફરી વળ્યું હતું.
