ગાંધીનગર પાસે આવેલા ઉવારસદમાં આવેલા યુનાઇટેડ વર્લ્ડ ઓફ ડિઝાઇનિંગ ઇન્સ્ટિટયૂટમાં આગ લગતા નાસભાગ મચી હતી. આગને કારણે ઓડિટોરીયમને ભારે નુકસાન થયું પરંતુ સદનસીબે આગને કારણે કોઇ જાનહાની થઇ નથી. ઘટનાની જાણ થતા ગાંધીનગર ફાયર બ્રિગેડ ઘટના સ્થળે પહોંચ્યા હતા અને આગને કાબૂ કરવામાં સફળતા મેળવી હતી. આગ લાગવાની ઘટનાના કારણે ઇન્સ્ટિટયૂટમાં અભ્યાસ કરતા વિદ્યાર્થીઓમાં દોડધામ મચી ગઇ હતી. એકાએક આગ લાગવાને કારણે વિદ્યાર્થીઓમાં ભયનો માહોલ સર્જોયો હતો. જો કે આગના કારણે કોઇ પણ વ્યક્તિની ઇજાના અહેવાલ મળી રહ્યા નથી.
