ભાવનગરની સર. ટી. હોસ્પિટલ,ઈન્ડીયન મેડીકલ એસોસીએશન, સરકારી મેડીકલ કોલેજના સંયુક્ત ઉપક્રમે ભાવનગર જિલ્લા જેલના બંદિવાન ભાઈઓ, બહેનો અને જેલ સ્ટાફ માટે એક સર્વરોગ નિદાન કેમ્પ તા. ૨૬ના રોજ યોજાયો હતો. આ કેમ્પમાં કુલ ૨૫૭ બંદિવાન ભાઈઓ/બહેનો તેમજ ૭ જેટલા જેલ કર્મચારીઓનું મેડીકલ ચેકઅપ કરાયુ હતુ. જરૂરી સલાહ અને દવા અપાઈ હતી. આ કેમ્પમાં ઓર્થો, માનસીક, મેડીસીન, ચામડી, આંખ, કાન-નાક ગળા તથા ગાયનેક વિભાગના તજજ્ઞોએ સેવા આપી હતી. તેમ કાર્યકારી અધિક્ષક જિલ્લા જેલ ભાવનગર દ્વારા જણાવાયુ છે.
આ કેમ્પને સફળ બનાવવા માટે ડો. ત્રિપાઠી, ડો. કાનાણી, ડો. કેતન પટેલ, ડો. સમીર શાહ, ડો. કશ્યપ દવે સહિત જેલ પ્રશાસન દ્વારા ભારે જહેમત ઉઠાવવામા આવી હતી.
