લોકસભાની ચૂંટણી નજીક છે ત્યારે કોંગ્રેસના ધારાસભ્ય વિક્રમ માડમે જામનગરની લોકસભા બેઠક પરથી ચૂંટણી લડવાની ના પાડી છે. આ મામલે તેમણે કોંગ્રેસના પ્રભારી રાજીવ સાતવ તથા પ્રમુખ અમિત ચાવડા સાથે ચર્ચા કરી હતી. અંગત કારણોસર ચૂંટણી નહીં લડવા માટેની જાહેરાત કરી હતી. તેમજ અન્ય ઉમેદવારને જામનગરમાં તક મળશે તેવી આશા વ્યક્ત કરી હતી.
મહત્વનું છે કે લોકસભાની ચૂંટણીને લઈને પ્રભારી સાતવ છેલ્લા બે દિવસથી ગુજરાતના પ્રવાસે છે. તેમણે લોકસભાની ચૂંટણીને લઈને કોંગ્રેસના વરિષ્ઠ આગેવાનો સાથે બેઠક યોજી હતી. પરંતુ હજુ સુધી લોકસભાની બે બેઠકો માટેની પેનલ તૈયાર થઇ શકી ન હોવાથી હિમ્મતસિંહને જૂની વાતો ભૂલી જવા માટે સૂચન કર્યુ હતુ. ચીમકી આપતા જણાવ્યુ હતું કે તમારા આતંરિક વિવાદથી મારે કોઇ મતલબ નથી. મારે તો લોકસભામાં પરિણામ જોઇએ. માટે વિવાદ ખતમ કરી લોકસભાની બેઠકો માટે નામ આપો.
