વિશ્વનંદજી માતાજીના સાનિધ્યમાં શિવકુંજ આશ્રમ જાળિયા દ્વારા યજ્ઞ સાથે શિવરાત્રી પુજન શહિદોને અર્પણ થશે, આશ્રમમાં યજ્ઞ સાથે વિવિધ કાર્યક્રમો યોજાનાર છે. સોમવાર તા. ૪ના ભોળાનાથ શિવજીના મહાત્મ્યભર્યા પર્વ એટલે શિવરાત્રીમાં શિવકુંજ આશ્રમ જાળિયા દ્વારા શિપુજા તથા પ્રસાદ સાથે શહિદ થયેલા સૈનિકોને શ્રધ્ધાંજલિ આપવામાં આવશે.
વિશ્વનંદજી માતાજીના સાનિધ્યમાં આ શિવરાત્રી પર્વ શહિદોને અર્પણ થશે, આ પવિત્ર દિવસે લઘુરૂદ્ર યજ્ઞ યોજાશે અને સાંજે ગામ ધુમાડા બંધ ભોજન પ્રસાદ રાખવામાં આવેલ છે. રાત્રે શિવ પુજન થશે. આ સાથે પક્ષીમાળા અને પક્ષીઓ માટે પાણીના કુંડાનું વિતરણ કરવામાં આવનાર છે. શિવરાત્રીના આ પુજન અને તમામ ધર્મકાર્ય શહિદોને શ્રધ્ધાજંલિ રૂપે અર્પણ કરવામાં આવશે.
