બોપલ ઘુમા નગરપાલિકા દ્વારા એક ખાનગી કંપની સાથે એમઓયુ કરીને બહારના વાતાવરણમાં પ્રદૂષણ નિયંત્રણ કરતા ૬ મશીન મુકવામાં આવ્યા છે.પૂણેની એક કંપની જોડે કરાર કરીને બોપલ ઘુમા નગરપાલિકાએ પ્રદૂષણથી નાગરિકોને રાહત મળે તે માટે સુંદર પગલું લીધેલું છે. આ મશીન હવામાથી ઘાતક એવા પીએમ ૨.૫ અને ૧૦ ને પણ વાતાવરણમાંથી ૩૫ થી ૪૦% ઓછા કરે છે. મશીન અંદર ઇનલેટ પ્રદૂષિત હવાને ખેંચે છે પછી એના ફિલ્ટરમાં તે જ હવાને ચોખ્ખી કરી આઉટલેટથી બહાર છોડે છે. ઘાતક રજકણોની સાથે આ મશીનો ગંધ,દુર્ગંધ,વેહિકલ ફયુમ્સ તથા સ્મૉગને પણ અંદર ખેંચી લે છે.
