રાજુ ઉપાધ્યાય પ્રેરિત ભગવાન પરશુરામજીની જન્મ જયંતિ નિમિત્તે ૭ દિવસ યોજાનાર વિવિધ કાર્યક્રમો અંતર્ગત આજે અક્ષરવાડી ભાવનગર ખાતે ગુજરાત રાજ્યનાં સ્થાપના દિનની ઉજવણી કરવામાં આવી હતી. જેમાં નિલકંઠ વર્ણી અભિષેક, પૂજન-અર્ચન તથા વિશિષ્ટ સન્માન સમારોહ યોજવામાં આવ્યો હતો.
ભગવાન પરશુરામ જન્મ જયંતિ નિમિત્તે ગુજરાતનાં સ્થાપના દિનની વિશિષ્ટ ઉજવણી બીએપીએસ સ્વામીનારાયણ સંસ્થા અક્ષરવાડીનાં સહયોગથી ભગવાન નિલકંઠવર્ણીનો ૧૦૧ બ્રાહ્મણ દંપતિ દ્વારા અભિષેક કરવામાં આવેલ. તેમજ વિશ્વમાં ગુજરાતનું નામ રોશન કરનાર પ્રમુખ સ્વામી મહારાજનું ખાસ પૂજન કરવા સાથે વિશિષ્ટ સન્માન સમારોહ અક્ષરવાડીનાં કોઠારી સ્વામી સહિતની ઉપસ્થિતિમાં યોજવામાં આવ્યો હતો. જેમાં મોટી સંખ્યામાં ભૂદેવો ઉપસ્થિત રહ્યા હતા.
