તાલુકાના આસેડા પાસે ગુરુવારે બપોરે સ્વીફ્ટ ડિઝાયર કાર અને છકડો રીક્ષા વચ્ચે અકસ્માત સર્જાતા ચાર લોકોને ઈજાઓ પહોંચી હતી.તમામ ઘાયલોને સારવાર માટે ડીસા સિવિલમાં ખસેડવામાં આવ્યા હતા.
ડીસા ખાતે રહેતા પંચાલ સમાજનો પરિવાર આસેડા પાસે તેમના ફાર્મ હાઉસ ખાતે સ્વીફ્ટ ડિઝાયર કાર લઈને જઈ રહ્યો હતો. ત્યારે ડીસા આસેડા રોડ પર સામેથી પુર ઝડપે આવતા છકડો રિક્ષા અને કાર વચ્ચે ધડાકાભેર ટકરાતા ચાર લોકોને ઈજાઓ પહોંચી હતી. બનાવના પગલે લોકોના ટોળેટોળા ઉમટી પડયા હતા.
