જૈન જાગૃતિ સેન્ટર-ભાવનગર દ્વારા તૃતિય જે.જે.સી. કપ ક્રિકેટ ટુર્નામેન્ટનું ભાવનગર ખાતે આજે આયોજન કરવામાં આવ્યું હતું. જેમાં રાજ્યની ૬ ટીમોએ ભાગ લીધો હતો.
જૈન જાગૃતિ સેન્ટર-ભાવનગર દ્વારા તૃતિય જે.જે.સી. કપ ક્રિકેટ ટુર્નામેન્ટનું શહેરના સેન્ટમેરી સ્કુલના ગ્રાઉન્ડમાં આયોજન કરવામાં આવ્યું હતું. જેમાં ભાવનગર ઉપરાંત વડોદરા, રાજકોટ, મહેસાણા, જામનગર અને બોટાદ જિલ્લાની ટીમોએ ઉત્સાહભેર ભાગ લીધો હતો. દરેક મેચ દસ ઓવરની રમાઈ હતી. જેમાં ભાવનગર અને બોટાદ વચ્ચે રમાયેલી ફાઈનલ મેચમાં બોટાદનો વિજય થતા ચેમ્પિયન બની હતી.સાંજે યોજાયેલા સમાપન સમારોહમાં ચેમ્પિયન બોટાદને જેજેસી કપ આપવામાં આવેલ તેમજ રનર્સઅપ ભાવનગરની ટીમને ટ્રોફી, મેન ઓફ ધી મેચ, સીરીઝ તથા બેસ્ટ બોલર, બેટસમેન સહિતનાને સન્માનિત કરવામાં આવ્યા હતા. આ ટુર્નામેન્ટને સફળ બનાવવા પ્રદિપભાઈ શાહ, ચંદ્રશભાઈ શાહ, શૈલેષભાઈ શેઠ, મનિષભાઈ શાહ, કેતનભાઈ શાહ, રાજનભાઈ મહેતા, રાજેશ શાહ સહિતે જહેમત ઉઠાવી હતી.
