બરવાળા તાલુકાના રામપરા ગામે રહેતા બે શખ્સોને ગઢડા પોલીસ સ્ટાફે મોરબીથી ચોરી કરેલ મોટરસાયકલ સાથે ઝડપી લીધા હતા.
ગઢડા પોલીસ સ્ટેશનના પોલીસ સબ ઇન્સપેકટર રાજુ કરમટીયા તેમજ સ્ટાફના માણસો પો.કોન્સ. કુલદીપસિંહ ગોહિલ, યુવરાજસિંહ ઝાલા, પ્રવિણભાઇ ચૌધરી, વર્ધાભાઇ રાજપુત પેટ્રોલીંગમાં હતા ત્યારે પો.કોન્સ. કુલદીપસિંહ ગોહિલને બાતમીરાહે હકીકત મળેલ કે એક નંબર વગરનું ચોરાઉ મો.સા. રામપરાથી કેરાળા તરફ આવે છે તેવી બાતમી મળતા રામપરાના રસ્તે એક નંબર વગરનું મોટરસાયકલ બે સવારીમાં આવતા જેને પકડી પાડી
આરોપીઓ નરેશભાઇ ઓધાભાઇ તાવીયા કોળી ઉવ.૨૦ તથા દીલીપભાઇ મનજીભાઇ સીસા કોળી ઉવ.૩૫ રહે.રામપરા તા.ગઢડા જી.બોટાદ વાળઓની આગવીઢબે પુછપરછ કરતા નંબર વગરના મો.સા. અંગે ગલ્લાતલ્લા કરવા લાગેલ અને કોઇ આધાર રજુ નહી કરતા મો.સા. કબ્જે કરી તથા આરોપીઓને ધોરણસર અટક કરી પોલીસ સ્ટેશને લઇ જઇ સઘન પુછપરછ કરતા આરોપી નં.૧ નાએ મો.સા. આજથી પાંચેક મહીના પહેલા તેના મિત્ર કીશન સાગરભાઇ કળથરા રહે.રામપરા તા.બરવાળા હાલ.રફાળીયા વાળા સાથે મોરબી ખાતેથી ચોરી કરેલ હોવાની હકીકત જણાવેલ છે જે બાબતે મોરબી તાલુકા પો.સ્ટે ઈપીકો ક.૩૭૯ મુજબ ગુન્હો નોંધાયેલ છે. જેથી, ગઢડા પોલીસે ચોરાઉ મો.સા. સાથે ચોર ઇસમને પકડી પાડી કામગીરી કરેલ.
