ભાવનગર શહેરમાં આજરોજ આગના ત્રણ બનાવ બનવા પામતાં ફાયર બ્રિગેડ સ્ટાફ બનાવ સ્થળે દોડી જઈ પાણીનો છંટકાવ તેમજ પ્રાથમિક કામગીરી કરી આગને ઓળવી નાખી હતી.
પ્રાપ્ત વિગત મુજબ શહેરના વિઠ્ઠલવાડી જીઆઈડીસી ખાતે દરગાહની બાજુમાં આવેલ ખુલ્લા પ્લોટમાં રહેલ પ્લાસ્ટીક, લાકડા સહિતના ભંગાર સામાનમાં આગનો બનાવ બન્યાની જાણ કનૈયાલાલ રાજાઈએ ફાયર બ્રિગેડને કરાતા તુરંત ફાયર સ્ટાફ દોડી જઈ પાણીનો છંટકાવ કરી આગને બુજાવી દીધી હતી. જયારે ભાવનગર પરા રેલ્વે ડીઆરએમ ઓફીસની બાજુમાં ખુલ્લા મેદાનમાં સુકુઘાસ અને પાંદડા સળગતા ફાયર બ્રિગેડ સ્ટાફ દોડી જઈ આગને બુજાવી હતી. અને સંતકવરામ ચોક પાસે રસાલા કેમ્પ લાઈન નં. ૮ રૂમ નં. ર૬માં એ.સી.બોર્ડમાં આગ લાગ્યાની જાણ મકાન માલિક પ્રેમકુમાર સંતુમલ કુકરેજાએ ફાયર બ્રિગેડને કરાતા ફાયર સ્ટાફે દોડી જઈ પ્રાથમિક કામગીરી કરી આગને ઓળવી નાખી હતી.
