શહેરનાં કુંભારવાડા સર્કલ પાસે આવેલ પ્લાસ્ટીકનાં કારખાનામાં વહેલી સવારે આગનો બનાવ બનતાં ફાયર બ્રીગેડ સ્ટાફ બનાવ સ્થળે દોડી ગયો હતો અને ભારે જહેમત બાદ આગને કાબુમાં લીધી હતી.
પ્રાપ્ત વિગત અનુસાર શહેરના કુંભારવાડા સર્કલ પાસે આવેલ વિનોદભાઈ દલપતભાઈ મકવાણાના પ્લાસ્ટીકનાં કારખાનામાં વહેલી સવારે આગનો બનાવ બનતાં કારખાનામાં રહેલ વેસ્ટ જથ્થો અને મશીનરી બળીને ખાક થઈ જવા પામી હતી. બનાવની જાણ થતાં ફાયર સ્ટાફ દોડી જઈ અઢી ગાડી પાણીનો છટકાવ કરી આગને બુજાવી દીધી હતી.
