પ્રતાપગઢમાં ફાયરિંગથી ખળભળાટ મચ્યો
(જી.એન.એસ)પ્રતાપગઢ,તા.૧૦
ઉત્તર પ્રદેશમાં બ્લોક પ્રમુખ ચૂંટણીના ૪૭૬ સીટ માટે શનિવારે મતદાન ચાલી રહ્યું છે. મતદાન દરમિયાન કેટલાક વિસ્તારોમાંથી ઘર્ષણ અને હોબાળો થયો હોવાના અહેવાલો સામે આવી રહ્યા છે. હમીરપુરમાં ભાજપ અને સપાના કાર્યકરો વચ્ચે ઘર્ષણ થયું હતું. જે બાદ પોલીસે લાઠીચાર્જ કર્યો હતો. મુઝફ્ફરનગર, અમરોહા, પ્રતાપગઢ અને લખીમપુર ખીરી વિસ્તારમાં હંગામો મચ્યો હોવાના અહેવાલો પ્રાપ્ત થયા છે.લખીમપુર ખીરીના સદર બ્લોકમાં મતગણતરી સ્થળ પર જવા માટે બસપા નેતા મોહન વાજપેયી અને તેમના સમર્થકો વાહનોના કાફલા સાથે પહોંચ્યા હતા. જ્યારે બેરિયર પર તૈનાત પોલીસે મોહનને પાછા જવા કહ્યું ત્યારે મોહન અને તેના ટેકેદારો સૂત્રોચ્ચાર કરવા લાગ્યા. પરિસ્થિતિ તંગ બની રહેલી જોઇને સી.ઓ. શહેર અરવિંદકુમાર વર્માએ આગેવાની લીધી હતી અને જે લોકોએ ઉપદ્રવ ઉભો કરવાનો પ્રયાસ કર્યો હતો તેમના પર લાઠીચાર્જ કર્યો. પોલીસે સ્થળ પરથી બે યુવકની ધરપકડ કરી હતી.તો બીજી તરફ, મુઝફ્ફરનગરના બુઢાનામાં મતદાન દરમિયાન ભાજપના ધારાસભ્ય ઉમેશ મલિક આવતાની સાથે જ વિરોધી જૂથના સમર્થકોએ હંગામો કર્યો હતો. ઉમેશ મલિકને ત્યાંથી ચાલ્યા જવાની માંગ કરી હતી.
તે દરમિયાન, બીકેયુના રાષ્ટ્રીય અધ્યક્ષ ચૌધરી નરેશ ટીકૈત પણ ત્યાં પહોંચ્યા. ટિકૈતે એસપી ક્રાઈમને પ્રામાણિકપણે ચૂંટણી યોજવાનું કહ્યું હતું.બીજી તરફ અમરોહાની જોયા બ્લોક પ્રમુખની ચૂંટણીમાં મતદાન દરમિયાન ભારે હંગામો થયો હતો. અહીં સપા અને ભાજપના ટેકેદારો વચ્ચે મારપીટ થઈ હતી. આ ઘટનાથી પોલીસ વહીવટીતંત્રમાં ખળભળાટ મચી ગયો છે. તમને જણાવી દઈએ કે અમરોહા જિલ્લાના ઝોયા બ્લોકથી સમાજવાદી પાર્ટીના કદ્દાવર નેતા અમરોહના ધારાસભ્ય ઝુલફીકર અલી, ભૂતપૂર્વ કેબિનેટ મંત્રી મહેબૂબ અલીના ભત્રીજા, સપાના બેનર પર ચૂંટણી લડી રહ્યા છે, જ્યારે બીજેપીએ ભૂતપૂર્વ સાંસદ હરગોબિંદસિંહના પુત્ર કુશાલને તેના ઉમેદવાર બનાવ્યા છે.પ્રતાપગઢ જિલ્લાના આસપુર દેવસરા વિકાસ બ્લોકમાં બ્લોક પ્રમુખની ચૂંટણી દરમિયાન સપા અને પોલીસ વચ્ચે ઘર્ષણ થયું હતું. સપા સમર્થિત ઉમેદવારના સમર્થકોએ પત્થરમારા બાદ પોલીસે તેમને કાબૂમાં લેવા માટે અનેક રાઉન્ડ ફાયરિંગ કર્યા બાદ હંગામો થતાં મતદાન ખોરવાઈ ગયું હતું. એવું કહેવામાં આવી રહ્યું છે કે બીડીસી સભ્યનો મત પહેલેથી જ મતદાન થઈ જતાં સપાના કાર્યકરો ગુસ્સે થયા હતા.
