ભાવનગર જિલ્લાના સિહોર પોલીસ સ્ટેશનમાં ફરજ બજાવતા હેડ કોન્સ્ટેબલ સવારે ફરજ પૂર્ણ કરી પોતાના ગામ તરફ બાઈક લઈને જઈ રહ્યાં હતાં તે વેળાએ એક આઈસર ટેમ્પાના ચાલકે બાઈક સવાર પોલીસ જવાનને અડફેટે લેતાં ગંભીર રીતે ઘવાયેલ પોલીસ જવાને ઘટના સ્થળે દમ તોડ્યો હતો.સમગ્ર બનાવ અંગે આધારભૂત સૂત્રો પાસેથી પ્રાપ્ત માહિતી મુજબ ભાવનગર જિલ્લાના સિહોર પોલીસ મથકે ફરજ બજાવતાં પ્રતાપ સિંહ ચૌહાણ આજરોજ રાબેતા મુજબ પોતાની રાત્રી ફરજ પૂર્ણ કરી સવારે પોતાના ગામ તરફ જઈ રહ્યાં હતાં તે વેળાએ ધ્રુપકા-સિહોર રોડપર એક આઈસર ટેમ્પાના ચાલકે પોતાનું વાહન પુર ઝડપે અને બેફિકરાઈ પૂર્વક ચલાવી હેડ કોન્સ્ટેબલ પ્રતાપસિંહ ને અડફેટે લેતાં તેઓ બાઈક સાથે રોડપર પટકાયા હતાં આથી તેઓને માથામાં ગંભીર ઈજા થતાં તેઓનું ઘટના સ્થળે મોત નિપજ્યું હતું આ બનાવની જાણ સિહોર પોલીસને થતાં પોલીસ કાફલો ઘટના સ્થળે દોડી ગયો હતો અને મૃતક પોલીસ જવાનનો કબ્જો લઈ પીએમ માટે હોસ્પિટલમાં મોકલી નાસી છુટેલ ટેમ્પા ડ્રાઈવર ને ઝડપી લેવા તજવીજ હાથ ધરી હતી.
